ابليس حردان بدو يروح

--------------------------------------------------------------------------------


ابليــــس يصـــف الوضـــع والحالـــة في البلاد
ابليس يرتدي ثيابا سوداء اللون وشعره منكوش وشكله مخيف
كان إبليس في غرفته, يلملم ملابسه في حقيبة

إلى جانب باقي متعلّقاته ...

على المنضدة القريبة كانت استقالته موقّعة ومختومة حسب الأصول, وبجوارها تقع تيكيت إلى جزر القمر

كانت ملامح وجهه في تلك اللحظات

تنطق بالحزن, والكآبة, والإحباط, واليأس, وقلّة الحيلة ...

مع دهشة مزمنة ارتسمت عليه منذ فترة ليست بالقريبة,

واعترافٍ بالعجز والفشل إبليس راحلٌ عن بلادنا إلى غير رجعة...



....دخل رجل يرتدي قلابية بيضاء اللون وقال لابليس: وين يامسهّل؟ ليش عم بتضبّ غراضك


يا زلمة ماضلّلي قعدة عندكن, إلي سنين عاطل وما عم اشتغل العمل

وقرّبت موت من الجوع .. بلاقي معك سيجارة أخي؟
يعطي الرجل لابليس سيجارة

ثم يجلسان على الكراسي بجانب المنضدة ليكملوا الحديث فيساله الرجل ايه يا ابليس احكيلي فشلي قهرك شو في؟

ابليس:كنت زمان وسوس للوحدة تترك ابنها يبكي وهي عم تحكي مع جاراتها,

هلأ صاروا لحالن.. يرموا اولادهن بالحاوية أوّل ما يجوا



كنت وسوس للواحد ينسى يسمّي الله قبل ما ياكل,

هلأ بطّل حدا يلاقي شي ياكلو! يا زلمة..

إذا أنا إبليس ... تسمّمت بالشاورما المرة الماضية
الرجل:الله سترك والله كنت رحت فيها


ابليس:كنت كمان وسوس للشب يرميلو كلمة عالبنت وهي ماشية بالشارع,

صاروا البنات يرمو عالشباب كلام أنا نفسي بستحي أحكيه

(بسخرية)واحد بيسرق 100 مليون عينك عينك بيحبسوه 3 سنين بفيلاّ عالشط,

(بجدية)وإثنين عم بينبشوا بمكبّ الزبالة على لقمة ياكلوها بتيجي الشرطة وتقوصهن,

إنتو بدّكن إبليس إنتوا ؟؟؟؟

صار عندكن فائض بالفساد بكفّي 30سنة لقدّام,

صرت خاف على حالي منكن يا زلمة



صرت اتقصد مرّات وسوس بالمقلوب وقول وللموظف لا ترتشي و للمسؤول إرحم

وللحرامي بيكفّي .. خلّي شويّ للحراميّة اللي رح ييجوا بعدك..



يعني إذا إنتو لحالكن ما شاء الله بتعملوا كل هالبلاوي,

أنا إبليس شو أعمل؟

أشتغل شوفير تكسي يعني

ولاّ أفتح صالون حلاقة؟



ما ضلّ غير قدّم للأوقاف يعيّنوني إمام جامع!!!

________________________________