|
| | الفرق بين الزوجة الاردنية والسورية | |
| | كاتب الموضوع | رسالة |
---|
Silent_Heart
عدد المساهمات : 94 تاريخ الميلاد : 15/11/1990 تاريخ التسجيل : 08/03/2010 العمر : 33
| موضوع: الفرق بين الزوجة الاردنية والسورية السبت مارس 13, 2010 3:01 am | |
| الفرق بين الزوجة الاردنية والسورية
اذا وقع زوجها عن الدرج: السوريه : ولي على آمتي، سلامتك حبيبي أنشاء الله ، انا ولا انتا ابن عمي ( ميته خوف عليه ) الاردنية : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)
اذا الزوج بدو يسافر: السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه
الاردنية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )
إذا الزوج تأخر بره فى شغل او مع صديق:
السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )
الاردنية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)
إذا طلبت شى منه : السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.
الاردنية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )
إذا جابلها هدية :
السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري
الاردنية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )
اذا بدك شي منها :
السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي
الاردنية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.
لو طلبت منها فنجان قهوة :
السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )
الاردنية : بدك قهوة ؟ هي اخوانك مرميين فى الحوش روح اشرب معهم، وللا أقلك روح عندك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )
اذا حكالها (بدك شي؟) وهو طالع :
السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )
الاردنية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.
الذوق والتنويع فى الاكل:
السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.
الاردنية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.
طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.
وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) .... خليها تروح يمكن تنفتح نفسك وتاكل زي الخلق | |
| | | أرام العاسمي
عدد المساهمات : 73 تاريخ الميلاد : 26/11/1985 تاريخ التسجيل : 31/01/2010 العمر : 38
| موضوع: رد: الفرق بين الزوجة الاردنية والسورية السبت مارس 13, 2010 3:15 am | |
| أهلا Silent : الله يعين الاردنية على نسوانهم يالطيف والله وقفت باستعداد من الخوف . بس ان شاء الله بنات حوران ما ينعدو من جيرانهم . قولوا امين . موضوع لطيف جدا والله يعطيكي العافيه . بس خفي شوي على النسوان . بعدين بكثروا اعداءك . | |
| | | Silent_Heart
عدد المساهمات : 94 تاريخ الميلاد : 15/11/1990 تاريخ التسجيل : 08/03/2010 العمر : 33
| موضوع: رد: الفرق بين الزوجة الاردنية والسورية السبت مارس 13, 2010 4:12 am | |
| اهلا آرام: لا الحمد لله احنا غير ان شاء الله ........ وشكرا ... الله يعافيك... قولتك خلص رح خف ... شكرا على ملاحظاتك... | |
| | | محمد الدعاس
عدد المساهمات : 2 تاريخ الميلاد : 04/01/1990 تاريخ التسجيل : 16/06/2010 العمر : 34 الموقع : جامعة درعا
| موضوع: فوارق حلوة بس صحيحة الخميس أغسطس 26, 2010 1:46 am | |
| [b]الله يعطيكي الف عافية بعد بنات سوريا يا عمي ما في بس متل ما قلتي ديروا بالكن تنعدو منهن | |
| | | | الفرق بين الزوجة الاردنية والسورية | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| قصيدة في الدفاع عنالرسول ( ارجو الرد ) | الخميس يونيو 17, 2010 5:47 pm من طرف ايطاليا | عرضي فدا عرض الحبيب محمدٍ *** وفداه مهجةُ خافقي وجَناني
وفداه كلُّ صغيرنا وكبيرنا *** وفداه ما نظرت له العينانِ
وفداه ملكُ السابقين ومَنْ مضوا *** وفداه ماسمعت به الأذنانِ
وفداه كلُّ الحاضرين وملكهم *** وفداه روحُ المُغْرمِ …
| تعاليق: 1 |
اروع ما قيل في مدح النبي | الخميس أكتوبر 15, 2009 1:48 pm من طرف shafi85 | صلي على خير الانام محمد بن عبد الله
1
1 - ريم على القــــــاع بين البان والعلم *** أحل سفك دمى في الأشــهر الحرم
2 - رمى القضــــاء بعيني جؤذر أسدا *** يا ساكن القــاع، أدرك ساكن الأجم
3 - لما رنا حدثتني النفــــــس قائلة *** …
| تعاليق: 2 |
محاولة ثالثة | الخميس يناير 06, 2011 2:26 am من طرف عاشق النحو | الشعر صدر وفي أحضانه هجعت......حمائم الشوق واستغشين بالأمل
الشعر أنس أبيت الليل أرقبه...........وأسترد رفيع المجد بالحيــــــــــــــل
لايعرف الشعر إلا ماهر حذق..........قد عارك الصعب بالأسياف والأســــــل
| تعاليق: 0 |
محاولة ثانية | الأربعاء يناير 05, 2011 9:16 am من طرف عاشق النحو | بنيت بالشعر أسوارا ألوذ بها إذا تسربل جنح الشوق بالملل
وأستظل بغصن الحرف ألمسه فيبسم الغصن ميادا بلا وجل
أرنو بشعري للجوزاء مغتبطا فالشعر يوصل للعلياء والمثل
من شعر عاشق النحو
| تعاليق: 0 |
طاب اللقاء | الثلاثاء ديسمبر 28, 2010 4:05 am من طرف عاشق النحو | ا السلام عليكم:
أ طاب اللقاء على أنحاء نادينا.....وافتر ثغر المنى يروي أغانينا
أكرم بصحبتنافي حضن جامعة....حب العروبة بالإحسان يسقينا
درعا ترفرف في الآفاق معلية......صرح العلوم وبالآداب تحيينا
| تعاليق: 2 |
محاولة شعرية | الإثنين ديسمبر 27, 2010 5:01 am من طرف عاشق النحو | طربت فا نتعشت بالشعر خاطرتي.....لما وصلت إلى صحبي وأحبابي
| تعاليق: 0 |
أعظم قصيدة في تاريخ الشعر | الخميس يوليو 15, 2010 12:17 pm من طرف ايطاليا | بسم الله الرحمن الرحيم
السلام عليكم ورحمة الله وبركاته
اخوانى الكرام
الشعر العربى ملئ بالعديد والعديد من الابداعات
وكنوز الأدب العربى لا تحصى
وحقا لا يمكن تحديدا الافتاء
حول أعظم قصيدة فى الشعر العربى
ولكن فى …
| تعاليق: 3 |
الأعتذار للرسول | الأحد ديسمبر 19, 2010 8:18 am من طرف المهاجر | r
بانت سعاد فقلبي اليوم متبول
متيم إثرها لم يفد مكبول
وما سعاد غداة البين إذ رحلوا
إلا أغن غضيض الطرف مكحول
هيفاء مقبلة عجزاء مدبرة
لا يشتكى قصر منها ولا طول
تجلو عوارض ذي ظلم إذا ابتسمت
كأنه منهل بالروح معلول
شجت بذي …
| تعاليق: 1 |
الفرق بين الزوجة الاردنية والسورية | السبت مارس 13, 2010 3:01 am من طرف Silent_Heart | الفرق بين الزوجة الاردنية والسورية
اذا وقع زوجها عن الدرج:
السوريه : ولي على آمتي، سلامتك حبيبي أنشاء الله ، انا ولا انتا ابن عمي ( ميته خوف عليه )
الاردنية : شو مالك دخت ؟ الله ما برمي الناس بحجار خطيتى الله لا يردك …
| تعاليق: 3 |
أفضل 10 أعضاء في هذا الأسبوع | |
عدد الزوار موقع جامعة درعا | |
المتواجدون الآن ؟ | ككل هناك 16 عُضو متصل حالياً :: 0 عضو مُسجل, 0 عُضو مُختفي و 16 زائر :: 1 روبوت الفهرسة في محركات البحث لا أحد أكبر عدد للأعضاء المتواجدين في هذا المنتدى في نفس الوقت كان 193 بتاريخ الإثنين يوليو 23, 2012 8:57 pm |
|
|