ليش الشب بيلحق البنت..؟؟

أهـــلا : Silent Heart

الله يعطيهم العافية الشباب والله عم يتعبو لتأمين راحة البنات والله خدمات أمنية على مستوى لو بعرفو بأمريكا واوروبا شو بقدمو الشباب خدمات أمنية مجانية كانو طلبوهم وعملو الهم تماثيل للخدمات الانسانية الجليلة يلي بقدموها للبنات .
المشكلة عندنا البنات ماعم يقدرو قيمة هل الخدمات .
لكن في مشكلة ثانية بالبنات لأن هن عم يعطو الشباب الحافز على تقديم الخدمات الامنية الانسانية المجانية .
وإذا شي بنت اطلعت بطريقة عبوسه شوي مابعتقد يوقف الشب لتقديم اي خدمة ورح يخلي البنت تعتمد على العناية الالهية .
شكرا ً silent موضوع ظريف .
وتقبلي مروري

اهلا آرام:

بتشكرك كتير..
والله يا آخي مع الحق المشكلة بالبنات بس هاد الشي مو معناته ان الشباب معفيين..كمان هن ما بقصروا
انا معك البنت يلي بتضحك او بتبتسم ويلي لابسة لبس ملفت للنظر ....الخ..هي غصب عن شو الشباب بدهن يلحقوها ..
بس الشب المحترم ما بيعمل هيك اكيد..ممكن تلفتلو نظرو وبعدين بيمشي بطريقه..يعني ما بيلحقها وما بلطشها ..
في شباب عنهن تلطيش وملاحقة البنات هواية او فيك تقول ( سوسه)..
لك حتى الاولاد الصغاروالشيّاب بلطشوا..وطبعا التلطيش شي كريه بالنسبة الي..لك حتى الوحدة ماشية وحاطة وجها بالارض وماشي الحيط الحيط ما عم تسلم..والله يعينها اذا كانت حلوة وماشية لحالها ..

مع العلم في شباب ما شاء الله عليهم قد ما كانت البنت حلوة وملفتة للنظر ما بتنهزلهن شعرة..ممكن يحكوا بنفسهم بس ما بدايقوها..
اسفة على الاطالة ..بس عن جد شي مو حلو بالمرة .. واسألني انا الله يعين

شكرا مرة تانية اخي آرام على مرورك اللطيف