اللون الاخضر في غرفة العمليات !!!!!

لماذا يلبس الطبيب اللون الاخضر في غرفة العمليات ؟


عالم الالوان عالم فسيح مليء بالاثاره وله اثار فاعلة على النفس البشرية ...
فمثلا لو سألت احدا عن سبب ارتداء الاطباء للون الاخضر في غرف العمليات؟ لاجابك ان اللون الاخضر لون السلام والطمأنينة وما الى ذلك لا ننكر هذا ولكن السبب مختلف تماما...
وقبل ان اوضح السبب فهناك معلومات يجب معرفتها عن عالم الالوان ليسهل الوصول الى السبب في ارتداء الاطباء لهذا اللون :
اولا . هناك الوان اساسية ...
والوان فرعية ...
والوان متوافقة (وهي محور حديثي)..
والوان متنافرة....
والوان حارة ....
والوان باردة .

الالوان التى تنطلق من قاعدة (( الالوان الاساسية )) هي
الاحمر والازرق والاصفر وهذه الالوان هي التي نخرج منها بجميع الالوان...
فعلى سبيل المثال .. اذا اردنا الحصول على اللون الاخضر فاننا نمزج اللونين الاصفر والازرق ..
واذااردنا الحصول على اللون البرتقالي فاننا نمزج اللونين الاحمر والاصفر..
واذا اردنا الحصول على اللون البنفسجي فاننا نمزج اللونين الاحمر والازرق..
اما اللونين الاسود والابيض فهما لونين محايدين يستعملان لتفتيح اللون وتقتيمه ..

وحتى لا نبتعد كثيرا عن الموضوع...
فان ناتج خلط لونين اساسيين يتوافق مع الثالث وهذا التوافق يريح العين وهذا ما اردت الوصول اليه..
فاللون الاخضرهو ناتج مزج اللونين الازرق والاصفر ..

اذا فاللون الاخضر الفرعي يتوافق مع اللون الاحمر الاساسي ..
وكيفية التوافق ان العين عندما تطيل النظر للون معين فانها بعد ذلك تبحث تلقائيا عن اللون الموافق له .

ولنقم بتجربة عملية ..
وهي ان نطيل النظر لصحيفة باللون الاصفر لمدة تقارب الدقيقتين ..
ونلاحظ ما هو اللون الذي سيلوح امام اعيننا اذا حولنا نظرنا الى صحيفة بيضاء ..
قطعا سيكون اللون البنفسجي ..!!

وهذا بالنسبة لنا ونحن لم نطيل النظر ...
فكيف بالطبيب الذي ينظرالى لون الدم الاحمربالساعات وعلى مدى السنوات..
فعندما يرفع الطبيب نظره عن المريض في غرفة العمليات تلقائيا ستبحث عينه عن اللون الاخضر ..
وحتى تكون عين الطبيب مرتاحة ولا ينعكس ذلك سلبا على نفسيته بفطرته البشرية ...
البسوه اللون الاخضر لانه هو الموافق مع اللون الاحمر .


..... منقول

SAMERization كتب:

تشكر صديقي علموضوع والمعلومة الحلوة
بس عندي سؤال مهم بيتعل بالالوان بيطرح نفسو من لما شتركت بهالمنتدى
شو التفسير العلمي والنفسي والمنطقي لألوان هالمنتدى ؟؟
بصراحة كمان اسبوعين رح اصير احول وتدمر نفسيتي شو هالتصميم يا رجل؟
الله يستر بدي الحق بس هالمادتين يلي ضلو
ادعيلنا ادعيلنا ابو حميد
طبعا تعمدت استخدم هاللونين لتركيز المعلومات القيمة في الموضوع
بس مشكلة هالخلفية السودا ماعم تنحل بهالمنتدى يا رجل نفسي اعرف هالحداد كلو لييييييييييش؟
يا جماعة يا اعضاء يا زوار يا شباب يا صبايا شو الحل؟ تعو نعمل مظاهرة (سلمية طبعا )) ـ

والله يا صاحبي معك حق أنا أول ما دخلت المنتدى اعترضت على الخلفية و الفلاشات الموجودة واقترحت التغيير لأنو عن جد مؤذية للعين و غير هيك بتعطي انطباع عن الموقع إنو غير احترافي و ما بيليق بجامعة درعا,
وبصراحة الأخت سوسو (مديرة المنتدى) و عدت بالتغيير لما بتخلص الإمتحانات ...فاصبر شوي و بلكي بيستفيدوا من موضوع الألوان.

والله يوفق الجميع وتخلصو من الإمتحانات على خير ... شدووووا الهمة

هههههههههههههههههههههه
هههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههههههههه
يا حرام الاعضاء متاملين من المديرة التجديد هههههههههههههههههههههههههههههه

عيشوووووووووووووهههههههههههههههههههههههههههه
يعني بلكيهههههههههههههههههههههههههههه
ههههههههههههههههههههههههههههه
ههههههههههههههههههههه

شكرا لكل يلي كتبوا المواضيع والتعاليق بهالمنتدى

انا مو هاممني الالوان بصراحه هاممني انه ليش الشباب مدايقين من الالوان او بالاحرى من يلي حاط الالوان
؟؟؟؟؟؟؟؟؟؟؟؟؟
انا عندي الجواب
هن مو مدايئين من الالوان نفسها مدايئين من ان مديرة الموقع هي بنت مو شب وياحرام مفكرين انه هي يلي مصممه الموقع
بس بحب خبركن انه سوسو عم بتكمل ادارة صاحب الموقع علي الجاموس يلي صمم هالموقع وتعب عليه .... على الاقل قدروا التعب يلي تعبوا وانتظروهن حتى يخلصوا موادن واكيد رح يرجعوا ويعملوا تجديد حلو كتير بالموقع
نحنا منستناكي سوسو لتورجيهن مهاراتك يا احلى مديره وبالتوفيق بامتحاناتك....

اقتباس :

هن مو مدايئين من الالوان نفسها مدايئين من ان مديرة الموقع هي بنت مو شب وياحرام مفكرين انه هي يلي مصممه الموقع

شكرا على مرورك انسة سكرتيرة
حبيت علق عكلامك لأنو عاري تماما عن الصحة
انتي وجهتي الكلام للشباب بشكل عام وبصفتي احد الشباب يلي منزعجين من الالوان
بحب قلك انو فعلا الالوان مزعجة وغير مريحة للعين
واي شخص عندو نظرة ولو سطحية بالديزاين بيعرف انو هالالوان غير مريحة للعين هادا اولا وثانيا انا لما انتقدت الالوان وباسلوب غير مزعج لاي شخص وبدون ما اذكر اسم سوسو او غيرها
انا هدفي كطالب بتهمني الجامعة وبيهمني موقها انو يكون في تطوير مستمر للافضل
والنقد البناء لا يفسد للود قضية
اما انو والله الشباب مستقصدين الانسة سوسو فهو كلام غير مقنع وغير منطقي
انا عن نفسي ما بعرف مين سوسو اصلا وماصرلي بالنتدى اسبوعين زمان
وانتقادنا لبعض الاخطاء بالمنتدى لا يعني شكر الجميل والعرفان للقائمين على الموقع

وبتمنى تغيري من نظرتك السوداوية والتفرقة لأنو نحنا بالنهاية زملاء وبتهمنا مصلحة كليتنا وبنسعى دايما للافضل سواء شباب او صبايا

وبعتذر اذا كلامي فيه شوية حدية او شطة او حتى كتشب
بتمنى تقبلو وجهة نظري بصدر رحب وشكرا مرة ثانية لكل الاعضاء والمشرفين والقائمين على الموقع
مع تمنياتي بالتطور الدائم

انا مو هاممني الالوان بصراحه هاممني انه ليش الشباب مدايقين من الالوان او بالاحرى من يلي حاط الالوان
؟؟؟؟؟؟؟؟؟؟؟؟؟
انا عندي الجواب
هن مو مدايئين من الالوان نفسها مدايئين من ان مديرة الموقع هي بنت مو شب وياحرام مفكرين انه هي يلي مصممه الموقع
بس بحب خبركن انه سوسو عم بتكمل ادارة صاحب الموقع علي الجاموس يلي صمم هالموقع وتعب عليه .... على الاقل قدروا التعب يلي تعبوا وانتظروهن حتى يخلصوا موادن واكيد رح يرجعوا ويعملوا تجديد حلو كتير بالموقع
نحنا منستناكي سوسو لتورجيهن مهاراتك يا احلى مديره وبالتوفيق بامتحاناتك....[/quote]

------------------------------------------------------------------------


هههههه ... أولا اذا عاجبك تصميم الموقع بألوانو ,, فكل انسان إلو ذوقو

أما بخصوص الأخت سوسو ,, فعن نفسي بعرف إنو علي الجاموس يلي صمم الموقع من الأساس و سوسو استلمت الإدارة بعدها بفترة ,, وهذا الإشي مو زاعجني بالمرررررة, يعني ما بتفرق معي إذا كانت الإدارة بيد شب أو بنت ,, أهم النتيجة.

آخر شي الكل بيعرف إنو هي فترة امتحانات و انا وضحت لو انتبهتي لتعليقاتي انو مستنيين سوس لتخلص امتحانات.

بس مثل ما قال الأخ سمير (((( نظرة سوداوية))))).

بتمنى ما تنزعجي من كلامي فبالنهاية هي وجهة نظر.