عيونك

عـيـونــك
يلي عيونك بحر وأمواج العواصف والسيول
فيها غرق قلب شقي عيت عزومه تنجده
ويلي عيونك صيفي وبرد الشتا وكل الفصول
تحوي الهجير وجنتي .. تحوي الثلوج الجامدة
تدرين أنك قصتي وحكاية الفجر الخجول
اللي تبسم للقـــمر وعيا يطوله ساعــــدة
حلم الأمل مات وذبل .. كني الصحاري والسهول
لي ملت أوهام المطر بالصيف تنطر جاهدة
مثل الطفل صرت أنتظر طيفك ونظراتي تجول
اعـتـراف
في عينك اليسرى سكوت وبعينك اليمنى كلام
جـفـن تهنا بالمـنام .. والثاني أتـعـبه الأرق
نظرة تخفيها بهروب .. والثانية شوق وهيام
والثالثة حرف يبوح ويعانــق إحساس الورق
مدري .. أصدق دمعتك هي بللت وجه اللثام ؟
احترت أنا بين الدموع وبين حبات العرق
طبعك تغير منت لي عيشتني سنين الغــرام
ذاك الذي لو صافحه كفي .. من الشوق احترق
نبرة سؤالك تختلف .. وحتى تعابير السلام
لو كان لعيونك لسان كان انطلق منها ونطق
حتى الوسادة تشتكي منك .. عليها ما تنام
تقضي الليالي في سهر .. مثل الذي توه عشق
زعلان مني أو علي .. لا شك لي مثلي يلام
لو قصر بحق الذي يهواه لحدود الـــغــرق
يمكن بدر مني غلط .. ما هو على المخطي حرام
لو طالب بدمح الخطا .. طفل يبي يمشي وزلق
كل الحكي بعينك سكت .. كل السكوت أصبح كلام
آســف حبيبي واعتذر .. من كبرها قلبي شــهق


حيث أنك أحضـــان الدفا وسط الليالي الباردة
قبلك أبد ما قد خفق قلبي ولا صابه ذهول
ولا صادق أيامي السهر والعين باتت ساهدة
لأنك حبر .. حرف الشعر ، وأنتي الشفا لقلب نحول
صابر على حبك عســـــــى ترجــع سنين شـــاردة
حتى صرخ صمت الصبر .. عاجز ولا عنده حلول
ذاق القهـــر .. مــــــر وسهر .. ونجوم ليله شاهدة
عندك بدا درب الهوى وعندك بدا ليلي يطول
وفي كفك الدافي هوت كل العزيمة الصامدة

ارجو ان تنال العجاب مقتبسة من بعض المواقع

لك تسلملي عيونك على هالنقل الحلو ,,,
تقبل مروري

بس ما قلتلي شو كا لون عيونها
هههههههههههههههههههههه
والله يعطيك العافية