كان في غرفته
يلملم ملابسه في حقيبة إلى جانبه وباقي متعلّقاته على المنضدة القريبة( والله تقطع قلبي عليه).
كانت استقالته موقّعة ومختومة حسب الأصول، وبجوارها تيكت ون-واي( روحة بلا رجعة ) إلى أوروبا.
كانت ملامح وجهه في تلك اللحظات تنطق بالحزن والكآبة والإحباط واليأس وقلّة الحيلة...
مع دهشة مزمنة ارتسمت عليه منذ فترة ليست بالقريبة مع الاعتراف بالعجز والفشل....
إبليس راحلٌ عن حلب إلى غير رجعة( عجب ليش )...
فليفرح المؤمنون...
سالتوا : لك خاي وين يامهون؟ ليش عم بتضب اغراضك؟
جاوبني : يازلمة ما ضلّلي قعدة عندكن،
إلي سنين عاطل عن العمل وقرّبت أموت من الجوع.
(ما بلاقي معك سيجارة يا أخوي) ؟
انتو مو مأثر فيكن لا وسواس ولا خنّاس!!!
قلتلوا : لك له ليش هيك عم تحكي
كنت زمان بوسوس للوحدة تترك ابنا يبكي وهي بتحكي مع جاراتها، هلأ صاروا لحالهم يرموا اولادهم في الحاوية أوّل مايجوا!
كنت أوسوس للواحد أنو ينسى يسمّي بالله قبل ماياكل، هلأ بطّل حدا يلاقي شي ياكلو !!!! يازلمة إذا أنا إبليس وتسمّمت بالشاورما!!!
كنت كمان بوسوس للشب يرميلو كلمة ع البنت وهي ماشية بالشارع، صاروا البنات يعاكسو الشباب بكلام أنا نفسي بخجل أحكيه!
إنتو بدكن إبليس إنتو؟!
خلوني أبعد عنكن وارتاح!!!
صار عندكم فائض في الفساد بكفّي 30 سنة لقدّام، صرت خاف على حالي منكن
يازلمة مرّات بضطرّ أوسوس بالمقلوب،
أقول للحرامي بكفّي خلّي شويّ للحراميّة يلي رح ييجوا من بعدك!
يعني إذا إنتو لحالكون بتعملوا كل هالبلاوي
أنا إبليس شو بدي أعمل
أشتغل شوفير تكسي يعني ولاّ أفتح صالون حلاقة؟؟؟؟
ماضلّ عليً غير أقدّم للأوقاف يعيّنوني إمام جامع!
ثمّ فتح إبليس الباب وانطلق خارجاً إلى غير رجعة
ورحل ابليس
السبت أكتوبر 03, 2009 7:47 pm
بسم الله الرحمن الرحيم